Iwacu Web Radio RNW Media

Incamake y’Amakuru y’Iwacu yo ku wa 22 Nzero umwaka w’2018

22/01/2018 Edition : Emery Kwizera 0

• Amezi 18 araringiye atawuzi irengero ry’umumenyeshamakuru Jean Bigirimana yakorera ikinyamakuru Iwacu. Jean Bigirimana akaba yabonywe irya nyuma kuwa 22/7/2016 muri zone Bugarama mu ntara ya Muramvya. Amakuru ava ku bamubonye ubwa nyuma yemezako yatwawe n’umuduga woba ari uw’urwego rw’iperereza, ivyabeshujwe n’igipolisi. Ikinyamakuru Iwacu kikaba caritwariye umuntu atazwi(porter plainte contre x) nayo mu bushikiranganji bw’ubutungane bavugako batanguje amatohoza. Umuryango wa Jean Bigirimana nawo ukaba wahavuye uhunga mu gihe wabonako ugeramiwe.

• Icegera c’umunyamabanga w’ishirahamwe mpuzamakungu ONU ajejwe ibikorwa vyo kugarukana amahoro, Jean- Pierre Lacroix yagenye lieutenant Général Chikadibia Isaac Obiakor ngo arongore amatohoza ku bwicanyi bwahitanye impuzu z’Abarundi 37 baba i Kamanyola mu gihugu ca républika iharanira intwaro rusangi ya Congo. Nta muco uraboneka kur ‘ubwo bwicanyi bwabaye mu kwezi kwa Nyakanga mu mwaka wi 2017

• Hari umukenyezi yaraye acumitse umwana wiwe imbugita yo mu mugongo muri quartier Kajiji zone Kanyosha komine Muha mu gisagara ca Bujumbura .inkuru ziva aho mu kanyosha zemeza ko uyo mukenyezi yakoze ico caha ngo kuko uyo mwana wiwe yazigije ibiharage . Mu gipolisi bemeza ko umwana yaciye aja kuvuzwa kandi amagara yiwe atabangamiwe . Nayo uyo mu kenyezi akaba ari mu minwe y’igipolisi.

• Ivyumutekano tubibandanirize mu ntara ya Makamba aho Umuntu azwi kwizina rya God akorera asanzwe anyonga imiduga mu ntara ya Makamba yatowe yapfuye mu gitondo co kur’uyu wa mbere mu nzu iwe muri quartier Gitunda yo muri komiene Nyanza lac . Umutambukanyi w’uyo yasanzwe yapfuye akaba yari yaraye izamu kuri centre de santé . Icoba catumye urwo rupfu ntikiramenyekana Mu gipolisi bavuga ko amatohoza yatanguye kugira bamenye iico urwo rupfu rwavuyeko naho bakeka ko yoba ngo yiyahuye kubera ingorane afitaniye n’abo mu muryango wiwe

Abanyeshure 10 bokwishure nshingiro rya kigwena muntara ya rumonge bakubiswe n’inkuba. Ivyo vyabaye kumuhingamo wo kuruyu wa 1. Abanyeshure 3 muribo bakaba bababaye cane . Ubu bariko bavurirwa mw’ivuriro ryaho mu Rumonge.

• Ishirahamwe ry’abaunguruza abantu n’ibintu Atrabu rihamagarira abunguruza abantu hagati mu gisagara ca Bujumbura bakoresheje ama bus ko bokwubahiriza ibiciro vyashinzwe na Leta. Charles Ntirampeba umunyamabanga mukuru w’iryo shirahamwe abivuga afatiye ko abagendesha iyo miduga barihisha amafaranga 400 mu gihe igiciro cashinzwe ari 380. Mugihe basigurako bataronka amafaranga 20 yogusubiza, uwo arongoye Atrabu avugako ico kitoba icitwazo kugirango baduze igiciro ahubwo ngo borondera ayo mafaranga mato mato yogusubiza abo bunguruje.

• Ishure ryisumbure ryimyuga ryo kwibuka rimaze imyaka irenga ibiriritaronswa amazi yaregideso.baba abanyeshure canke abarongoye iryoshuri rifise uburaro bwabanyeshure bashika ku 274 ngo ico kibazontibacumva kuko ntaho batarashika ariko bikaba infagusa.

• Urunani rw’amashirahamwe y’abakenyezi Cafob mu Burundi rumenyesha yuko ku bisanzwe abagabo mu rugo ari bo bakingira imiryango ariko badafise uburungenzira bwo guhohotera abo batunze. Ivyo urwo runani rubishikirije inyuma yaho Ikigo Istebu gitororokanya ibiharuro mu gihugu kigakora ivyigwa vy’ubutunzi cerekaniye ko mu Burundi igice c’abakenyezi bakorewe amabi akorerwa. Ku bwa Cécile Mubindi, umuhuzabikorwa muri urwo runani amabi abagabo bakora abagarukako. Rugahanura abubakanye kubana neza bakamenye ko umuntu wese afise amateka Yiwe.

• Hamaze imisi hibonekeza mu Rumonge abarundi benshi baja guca amafaranga muturere dutandukanye tw’intara ya Kivu y’ubumanuko mu gihugu kibanyi ca Congo. Abo barundi bakaba bagirirayo ingorane kuko baja gukorera muturere turimwo abarwanyi ba Mai Mai. Ngo barakubitwa bakanyarwa n’utwabo.

Charte des utilisateurs des forums d'Iwacu

Merci de prendre connaissances de nos règles d'usage avant de publier un commentaire.

Le contenu des commentaires ne doit pas contrevenir aux lois et réglementations en vigueur. Sont notamment illicites les propos racistes, antisémites, diffamatoires ou injurieux, appelant à des divisions ethniques ou régionalistes, divulguant des informations relatives à la vie privée d’une personne, utilisant des œuvres protégées par les droits d’auteur (textes, photos, vidéos…) sans mentionner la source.

Iwacu se réserve le droit de supprimer tout commentaire susceptible de contrevenir à la présente charte, ainsi que tout commentaire hors-sujet, répété plusieurs fois, promotionnel ou grossier. Par ailleurs, tout commentaire écrit en lettres capitales sera supprimé d’office.

Ajouter un commentaire

Votre adresse de messagerie ne sera pas publiée.