Harumugabo yafashwe , umupfasoni wiwe nawe arazwa mugasho muri komine mpanda intara ya bubanza n’uwurongoye iperereza muri yo ntara ya .Fabien Banciryanino umushingamateka yatowe mu ntara ya bubanza yemezako Barakamfitiye jean Berchimas yafashwe asabwa inkoho atanumutahe bamweretse kumusi wa gatatu.uyo mushingamateka akanavuga ko hari n’abandi bantu babiri bo kumusenyi muri komine mpanda batazi irengero ryabo kuva kuruyu wa kane mugihe bivugwa ko nimodoka yabatwaye atawayimenye.uwo yatowe n’abanyagihugu akavugako atakindi bariko barazira Atari amatora y’imirije
umunyabigega wa komine gisuru mu ntara ya ruyigi ari mumvuto kuva kuruyu wa gatatu.jéremie Nyabenda yahagaritswe n’igipolisi kimwagiriza ko yateye inda umwana w’umunyeshure yiga mumwaka w’icenda.ayo makuru aremezwa na musitanteri wa komine gisuru alloys Ngenzirabona .amakuru ava aho muruyigi akemezako uwo munyabigega yaciye ajanwa ubutarariye mugasho ka komisariya ya ruyigi parake yiyo ntara ikaba iza yaratanguye amatohoza.
Umuntu umwe yaraye akomeretse atemeshejwe umupanga n’abasuma muri quartier ya 2 muri zone ya Ngagara naha mugisagara ca bujumbura. Abanyagihugu baba muriyo quartier bemeza ko ubwo busuma bw’abantu bitwaje imipanga bumaze imisi buba.Bagasaba kuronswa abajejwe umutekano kugira ubwo busuma butuzwe ngo kuko nabahahora batazi ababatwaye.
Uwurongoye zone ya Ngagara amenyesha ko ubwo busuma butahora buvugwa muri zone ya Ngagara. Imelde Ndikuriyo ahamagarira abanyagihugu gushira amatara ku mabarabara no kwicungera. Uwo arongoye zone ya Ngagara abasaba gufashanya n’abajejwe intwaro kugira ubwo busuma baburwanye butaratandukira ayandi ma quartiers agize zone ya Ngagara.
Umukuru w’igihugu c’uburundi Petero Nkurunziza yaraye ashizeho Leta nshansha. Ikiboneka nuko bamwe mubari bagize leta yahahora bahinduriwe ubushikiranganji ariko baragumizwa muri yo leta nshasha. Ikindi naco nuko hari ubushikiranganji umukuru w’igihugu yahinduye
Abana bo mwi barabara hamwe n’abatunzwe n’ugusega bakuwe mumabarabara yo mugisagara ca bujumbura kuri uyu wa gatanu. Ikigo Soleil kijejwe kugurikirana abana caciye cakira abo bana. Abakuze n’abo baka batwawe mu kigo kijejwe gufasha abamugaye n’ukubasubiza mubuzima busanzwe. Habanje gukora rusensuma yabo kugira bamenye aho baje bava kugira bazobatahane babatekereye infungungwa hamwe n’ibikoresho vy’ishure. Bamwe mu bana twasanze kurico kigo bavuga ko biteguriye gusubira muhira iwabo. Bagasa ko boronswa infungugwa n’ibikoresho vy’ishure
Ishirahamwe rikangurira abantu guhindura ingendo Parcem riratewe impungenge kubona igihugu kitagira igitabo c’ifatiro mu gutunganya imigambi iduza ubutunzi. Iryo shirahamwe mu gihe ryariko rirashikiriza umwihwezo ku bijanye n’ubutunzi bw’igihugu mur’aya amezi 3 arangiye, rimenyesha ko kubera leta itafise uburyo bukwiye, bituma baguma baka urutavanako amafaranga abanyagihugu
Abanyagihu baba muri site ya Kamakara muri komine Rugombo y’intara ya Cibitoke bamenyesha yuko bafise inzara. Bavuga yuko batagira amatongo barima babeshejweho no guca ingero. Imvura nyinshi Imaze iminsi igwa nayo ikabima akanya ko guja guca icorirenza ngo yaje isongera isibe. Basaba abagira neza kubagarukirako kuko haheze igihe kinini atu wubaraba
Firimin Habumuremyi , umuhanuzi wa musitanteri wa komine Rugombo, amenyesha yuko ikibazo c’inzara yaho muri site ya kamakara kizwi ariko ko ata matongo yo kubaha ariho. Ayahari ngo Reta irafise ivyo iriko irayakoreramwo. Asaba abo banyagihugu gukura amaboko mu mpuzu bakayironderera.
