Iwacu Web Radio RNW Media

INCAMAKE Y’AMAKURU Y’IWACU YO KU WA 27 NTWARANTE 2018

27/03/2018 Edition : Christine Kamikazi Commentaires fermés sur INCAMAKE Y’AMAKURU Y’IWACU YO KU WA 27 NTWARANTE 2018

• Umukuru w’umugambwe ranac , Aloys Baricako yarahagaritswe n’igipolisi mugisagara ca gitega kumugoroba wo kuruyu mbere .Amakuru ava aho igitega akemezako yahagaritswe arikumwe n’umunywanyi w’umugambwe CDP Pierre Kugirwa. Georges nikiza umuvugizi w’u mugambwe RANAC aremezakoUmukuru w’yo mugambwe yahagaritswe , akavugako kuruno wa kabiri yarekuwe agiye gushingurana iteka inakuru mu ntara ya Karusi .Ariko bafise amakuru avugako ngo yategetswe guca asubira aho yaraye apfungiwe. uwo mugambwe ugasaba ko umukuru wabo yorekurwa ngo kuko batarabwirwa icazira.

• Syndicat y’abigisha bo muri kaminuza y’uburundi SPUB irikumwe n’ishirahamwe ry’abigisha bo mu makaminuza bariyamiriza itegeko ry’umushikiranganji w’indero ritunganya ibijanye n’inyigisho za masters muri kaminuza y’uburundi. Bemezako iryo tegeko ritafatiye kuvyo abo bigisha bari basavye. Siméon Barumwete arongoye syndicat y’abigisha bo muri kaminuza muvyo avugako bitakurikijwe harimwo ko ngo yafashe ingingo yokwugurura intonde 5 gusa z’ivyigwa vya masters mugihe bari basavye ko hoba intonde 20. Ikindi naco ngo irytegeko rizana amazina mashasha yama masters atabaho ngaho muri kaminuza. Bagasaba umushikiranganji ko yosubira kuriryo tegeko.

• Abanya politique batavuga rumwe na Leta bari hanze y’igihugu bahurikiye mu runani CNARED baragize inama kuva kuwa 24 kugera ku wa 26 ntwarante uno mwaka. Hakaba hari ngo muntumbero yogufata ingingo iboneka kubijanye naho urwo runani ruhagaze kubijanye n’ihinyanyurwa ry’ibwirizwa nshingiro, amatora, hamwe n’ibiganiro hagati y’abarundi.
Mw’itangazo urwo runani rwasohoye ryateweko umukono n’umuvugizi warwo Pancrace Cimpaye , bemezako iyo nama yabaye mumwumvikano ntangere mbere ikaba ngo yatumye abagize urwo runani biyunga hagati yabo. Bakaba bemezako bazoshira ahabona vuba itangazo rivuga neza mw’ido n’ido ivyavugiwe muriyo nama.Urunani CNARED rukavugako rwemereye abarundi ko bagiye kurwaniriza hamwe umugambi wa Leta wogushaka kuzimanganya amasezerano y’amahoro y’i Arusha. Tukabibutsako iyo nama yabaye inyuma yaho abatari bake mubanyapolitique bari mu runani CNARED bari bandikiye uwurongoye urwo runani Jean Minani bamwagirizako atashaka afise ryogukoresha inama abari mururwo runani.

• Umuririmvyi rurangiranwa w’umurundi Jean-Pierre Nimbona batazira Kidumu, aremeza ko kuwa gatandatu yahawe ishano. Aho arwariye mubitaro Polyceb biri hagati mugisagara ca Bujumbura kuva kuruyu wa 1 yatumenyeshejeko ngo yatanguye kwumva ameze nabi mw’ijoro ryo kuruyu wa 6 ahejeje kuremesha igiteramo i Kiriri mubigo vya Kaminuza y’uburundi. Abaganga bamupimye ngo basanze amafyigo n’igitigu vyiwe bitameze neza, bikaba ngo ari ibimenyetso vyerekana ko yoba yarahawe ishano. Uwo muririmvyi rurangiranwa agahumuriza abakunzi biwe ko ariko aravugwa. Akaba anegura abo bagifise agatima ko gushaka kwaka ubuzima kiremwa muntu. Jean Pierre Nimbona batazira Kidumu ari kuri micro ya Abbas Mbazumutima.
Aha tukabamenyeshako uwasangiye na Kidumu ibifungurwa akekako yariyemwo ishano nawenyene ari kumusego ubu.

Suite à la décision du CNC, vous ne pouvez ni réagir ni commenter cet article.

Lire le communiqué

Nos émissions sur WhatsApp

1 Ajoutez le numéro suivant à votre liste de contacts de votre GSM : + 257 76 002 004

2 Ouvrez l'application WhatsApp et envoyez un message à ce numéro avec votre nom + la mention "abonnement".

3 Il n'y a rien d'autre à faire : nous nous occupons de l'activation de votre compte. Vous commencerez à recevoir nos émissions quotidiennes en direct sur votre smartphone.

Archives de la web radio

Retrouvez toutes les archives de nos émissions.