• Ubushiringanji bw’intwaro yo mu gihugu hagati bwasohoye itegeko ritunganya ibijanye n’ubunywero burimwo ubutambiro bukora amasaha y’ijoro, hamwe n’ibijanye n’ amasengesho akorwa mu masaha y’ijoro. Bimwe mubigize iryo tegeko nuko kuva ubu amazu y’ubutambiro asohora amajwi abujijwe, ibisabisho biba mu masaha akuze yo mw’ijoro bibujijwe mugihe uruhusha rutatanzwe n’umukuru w’igisagara ca Bujumbura ca Bulamatari.
• Igenekerezo rya 15 ukwezi kwa 3 harahimbazwa umusi mpuzamakungu wahariwe kurwanya amabi akorwa n’abapolisi . Bamwe mubakora urudandazwa mugutembereza ibidandazwa bavuganye n’amakuru y’iwacu bavuga ko bakubagurwa n’abajejwe umutekano mu kazi kabo ka misi yose. Bagasaba abapolisi ko iyo hakenewe ko bahagarikwa bobikora mu rupfasoni.
Mubushikiranganji bujejwe umutekano ho bemezako mu Burundi atamabi ahari akorwa n’aba polisi. Pierre Nkurikiye avugira ubwo bushikiranganji agasigurako niyo bishitse aba polisi bagakoresha inguvu baba babirekuriwe n’amategeko kuko baba bariko barakingira umutekano abanyagihugu.
• Abana 39 bari bapfungiwe mu kigo cigororero kiri mu Rumonge barekuwe kuruyu wa 4. Ni muntumbero y’ishirwa mungiro ry’ikigongwe c’umukuru w’igihugu. Abo bana barekuwe basaba ko abari bapfunzwe bahora biga bosubizwa kwishure. Abana 85akaba aribo bategekanijwe kuzorekurwa bakuwe mu bigo vy’igororero mu gihugu cose. Mu rumonge Félixe Nzorubonanya
• Harategekanijwe ihiganwa rizohuza imirwi y’urukino rwokunagana Judo yo mu bihugu vyo muri Afrika rizobera hano i Bujumbura kuva kw’igenekerezo rya 10 kugera kurya 13. Ubushikiranganji bujejwe ivy’inkino bubonako ari iteka ridasanzwe kugihugu kuko buzoba ari ubwambero ihiganwa nkiryo rije kubera hano mu Burundi. Jean Bosco Hitimana ajejwe ubwo bushikiranganji akavugako hazoba hahuriye ibihugu 35. Akavugako uretse ko ari iteka kugihugu ngo bizogira nico biterereye kubijanye n’ubutunzi bw’igihugu.
